மாஸ்டர் படக்குழுவினருடன் தளபதி விஜய் கொண்டாடிய பொங்கல் விழா வீடியோ காட்சிகள் சமுக வலைதளங்களில் வைரலாகி வருகின்றன.

மாஸ்டர் திரைப்படம் தமிழகத்தில் பொங்கல் பண்டிகையை முன்னிட்டு கடந்த ஜனவரி 13-ம் தேதி வெளியானது. 50 சதவிகித இருக்கைகள் மட்டுமே நிரப்பப்பட வேண்டும் என்ற அரசு உத்தரவின் படி படம் வெளியானது. கொரோனாவுக்குப் பின் வெளியாகும் மாஸ் ஹீரோ ஒருவரின் படம் என்பதால் மாஸ்டர் திரைப்படத்துக்கு பெரும் எதிர்பார்ப்பு இருந்தது.

எதிர்பார்த்த வசூலை பெற்றுள்ள போதும் திரை விமர்சன ரீதியாக கலவையான விமர்சனங்களேயே மாஸ்டர் திரைப்படம் பெற்றுள்ளது. இந்த சூழலில் மாஸ்டர் திரைப்படத்தில் பணியாற்றிய அத்தனைப் பணியாளர்களுடனும் இணைந்து மாஸ்டர் பொங்கலாக தளபதி விஜய் கொண்டாடி உள்ளார். பட்டு வேட்டி சட்டையில் மாஸாக பொங்கல் விழாவில் உற்சாகமாக கலந்து கொண்டு ஆட்டம் பாட்டம் என விஜய் கலக்கி உள்ளார்.

உடன் இயக்குநர் லோகேஷ் கனகராஜ், நாயகி மாளவிகா, இசை அமைப்பாளர் அனிருத் ஆகியோருடன் அத்தனை நடிகர்கள், நடிகைகள், தொழில்நுட்பப் பணியாளர்கள் என அத்தனைப் பேரும் இந்த விழாவில் கலந்து கொண்டுள்ளனர்.

Here’s a glimpse of how we celebrated Master Pongal this time, last year! 🤩

Kondaattam kalai kattatum nanba! Happy Pongal ❤️#MasterPongal #Master pic.twitter.com/1T2Df42VfU

— XB Film Creators (@XBFilmCreators) January 15, 2021

மாஸ்டர் படத்தின் கதாநாயகி மாளிவிகா மோகனன் லேடி சூப்பர் ஸ்டார் குறித்து கேலி ஆக பேசியுள்ளது ரசிகர்களைக் கோபம் அடையச் செய்துள்ளது.

மாளவிகா மோகனன் மாஸ்டர் பட ப்ரோமோஷன் நிகழ்ச்சிகளில் தற்போத்கு பங்கேற்று வருகிறார். அது போன்று ஒரு நிகழ்ச்சியில் பங்குபெற்று அவர் பேசுகையில் லேடி சூப்பர் ஸ்டார் நயன்தாரா குறித்து கேலியாக கிண்டல் செய்து பேசியதாகத் தெரிகிறது. அந்த நிகழ்ச்சியில் மாளவிகா, “நான் பார்த்த தமிழ்ப் படம் ஒன்றில் லேடி சூப்பர் ஸ்டார் ஆக இருக்கக்கூடிய நடிகை ஒருவர் முகம் நிறைய மேக் அப் போட்டுக் கொண்டு உயிருக்குப் போராடிக் கொண்டு இருப்பார்”.

மேற்கூறிய வசனத்தை மாளவிகா பேசியதில் இருந்து அவருக்கு எதிராக ட்விட்டரில் ரசிகர்கள் கொந்தளித்து வருகின்றனர். ராஜா ராணி படத்தில் தான் நடிகை நயன்தாரா மேக் அப் போட்டுள்ளது குறித்து மாளவிகா கேலி செய்கிறார் என அவருக்கு எதிராக லேடி சூப்பர் ஸ்டார் ரசிகர்கள் கடும் கண்டனங்களைத் தெரிவித்து வருகின்றனர.

இயக்குநர் செல்வராகவன் தனது குழந்தையுடன் மகிழ்ச்சிகரமாக பொங்கல் விடுமுறையைக் கொண்டாடி வருகிறார்.

இயக்குநர் செல்வராகவனுக்கு கடந்த ஜனவரி 7-ம் தேதி மூன்றாவதாக அழகான ஆண் குழந்தை பிறந்தது. இதற்கு செல்வராகவனுக்கு ஒரு மகளும் ஒரு மகனும் உள்ளனர். மகனுக்கு முன்னதாகவே பெயர் யோசித்து வைத்திருந்த செல்வராகவன் கீதாஞ்சலி தம்பதியர் குழந்தை பிறந்த உடனே பெயரும் வைத்துள்ளனர். செல்வா தனது மகனுக்கு ரிஷிகேஷ் செல்வராகவன் என பெயர் வைத்துள்ளார்.

மகன் பிறந்த ஒரே வாரத்தில் பொங்கல் விடுமுறை தொடங்கி விட்டதால் மகன் ரிஷிகேஷ் உடன் உற்சாகமாக விடுமுறையைக் செல்வா கொண்டாடி வருவதாக அவரது மனைவி சமுக வலைதளங்களில் பதிவு செய்துள்ளார். மேலும், இதன் மூலம் பிறந்து ஒரு வாரமே ஆன மகன் ரிஷிகேஷின் புகைப்படத்தை முதன்முறையாக ரசிகர்களுக்காக வெளியிட்டுள்ளனர்.

 

View this post on Instagram

 

A post shared by Gitanjali Selvaraghavan (@gitanjaliselvaraghavan)