புற்று நோயால் பாதிக்கப்பட்டு இருந்த நடிகர் தவசி, சிகிச்சை பலனின்றி இன்று காலமானார்,

புற்று நோயால் பாதிக்கப்பட்டு இருந்த நடிகர் தவசி, திமுக எம்எல்ஏவுக்கு சொந்தமான மதுரை மருத்துவமனையில் அனுமதிக்கப்பட்டு சிகிச்சை பெற்று வந்தார். அறுவை சிகிச்சை மூலம் உணவு குழாயிலிருந்த கேன்சர் தொற்று நீக்கப்பட்டு நலமுடன் தவசி உள்ளார் என்று கூறப்பட்டு வந்தது.

சிகிச்சைக்குப் பின் தவசியின் உடல் நிலை பற்றி அறிந்த திரைத்துறையினர் பலரும் உதவினர். விரைவில் நடிகர் தவசி மீசை முறுக்கிக்கொண்ட திரும்புவார் என்று கூறப்பட்டு வந்தது. ஆனால் எதிர்பாரா விதமாக இன்று இரவு அவர் காலமானார்.

நடிகர் தவசியின் மரணத்திற்கு திரைத்துறையினர் இரங்கல் தெரிவித்து வருகின்றனர்.

வருத்தப்படாத வாலிபர் சங்கம், அழகர் சாமியின் குதிரை போன்ற படங்களில் நடித்ததன் மூலம் பிரபலமடைந்தவர் நடிகர் தவசி என்பது குறிப்பிடத்தக்கது.

வலிமை படப்பிடிப்பில் விபத்தில் சிக்கிய தல அஜித்துக்கு காயம் ஏற்பட்டுள்ளது.

அஜித் நடிப்பில் போனி கபூர் தயாரிப்பில் எச்.வினோத் இயக்கி வரும் படம் வலிமை. நேர்கொண்ட பார்வை திரைப்படத்தைத் தொடர்ந்து அஜித்தை வைத்து போனி கபூர் தயாரிக்க, எச்.வினோத் இரண்டவது முறையாகத் தொடர்ந்து இயக்கி வரும் திரைப்படம் வலிமை.

கொரோனா ஊரடங்கு காரணமாகக் கடந்த சில மாதங்களாக நிறுத்தி வைக்கப்பட்டு இருந்த வலிமை படத்தின் படப்பிடிப்பு ஹைதராபாத்தில் நடைபெற்று வருகிறது.

10 நாட்கள் முன்பு வலிமை படத்தின் முக்கிய சண்டை காட்சி படமாக்கப்பட்டுள்ளது. அதில் தல அஜித்துக்கு சிறிய காயம் ஏற்பட்டுள்ளது. அதற்காக ஒரு நாள் ஓய்வு எடுத்துக்கொண்ட அஜித் மீண்டும் படப்பிடிப்பில் கலந்துகொண்டு அந்த காட்சியை முடித்துக்கொடுத்துள்ளார்.

இப்போது சென்னை திரும்பியிருக்கும் அஜித், நலமுடன் உள்ளதாகவும், படக்குழுவினர் தகவல் வெளியிட்டுள்ளனர்.

சிம்பு நடிப்பில், வெங்கட் பிரபு இயக்கி வரும் மாநாடு திரைப்படத்தின் ஃபர்ஸ்ட் லுக் வெளியீட்டுத் தேதியை அதிகாரப்பூர்வமாகப் படக்குழுவினர் அறிவித்துள்ளனர்.

நேற்று மாநாடு படம் குறித்து முக்கிய அறிவிப்பு விரைவில் வெளிவரும் என்று சிம்புவும், வெங்கட் பிரபுவும் அறிவித்து இருந்தனர்.

இந்நிலையில் மாநாடு படத்தின் ஃபர்ஸ்ட்லுக் போஸ்டர் நவம்பர் 21-ம் தேதி காலை 10:44 மணியளவில் வெளியிடப்படும் என்று அறிவித்துள்ளனர்.

அரசியல் பின்னணியை மையமாக கொண்டு உருவாகி வரும் மாநாடு திரைப்படத்தின் ஷூட்டிங் இப்போது புதுச்சேரியில் நடைபெற்று வருகிறது. விஜய்யின் அப்பா எஸ்.ஏ.சந்திரசேகர் முக்கிய கதாபாத்திரத்தில் நடித்து வருகிறார்.

மாநாடு திரைப்படத்திற்கு யுவன் ஷங்கர் ராஜா இடை என்பதால், பிரேம்ஜி அமரனுக்குக் கண்டிப்பாகப் படத்தில் முக்கிய பாத்திரம் ஒன்று இருக்கும். எஸ்.ஜே.சூர்யாவும் மாநாடு படத்தில் இணைந்துள்ளார். ஆனால் என்ன கதாபாத்திரம் என்ற விவரங்கள் தெரியவில்லை.

சிம்பு மாநாடு படத்தில் அப்துல் காலிக் என்ற இஸ்லாமியர் வேடத்தைச் சூடியுள்ளார். ஈஸ்வரன் படத்தில் முருக பக்தன். மாநாடு படத்தில் இஸ்லாமியர் என இரண்டு படத்திலும் வித்தியாசமாகத் தோன்றுகிறார்.

புதுச்சேரியில் நவம்பர் 9-ம் தேதி தொடங்கிய மாநாடு படத்தின் படப்பிடிப்பு 40 நாட்கள் ஒரே ஷெட்ய்லாக நடைபெறுவது குறிப்பிடத்தக்கது.

#Inshallah

First look on 21 nov 2020 @ 10:44am@vp_offl@iam_SJSuryah @sureshkamatchi @thisisysr @Richardmnathan @kalyanipriyan @Premgiamaren @Cinemainmygenes @silvastunt @UmeshJKumar @vasukibhaskar@storyteller_ind @tuneyjohn pic.twitter.com/LRIMQrO5F7

— Silambarasan TR (@SilambarasanTR_) November 19, 2020