இந்தியாவின் மிகப் பெரிய வங்கி நிறுவனமான எஸ்பிஐ லாக்கர் கட்டணத்தை 3000 ரூபாய் உயர்த்தியுள்ளது, வாடிக்கையாளர்களை அதிர்ச்சியடைய வைத்துள்ளது.

எஸ்பிஐ வங்கியின் சிறிய லக்கர் கட்டணம் 500 ரூபாயிலிருந்து 2000 ரூபாயாக உயர்த்தப்பட்டுள்ளது. நடுத்தர அளவு வங்கி லாக்கர் சேவை கட்டணம் 1000 ரூபாயிலிருந்து 4000 ரூபாயாகவும், லார்ஜ் சைஸ் லாக்கர் சேவை கட்டணம் 2000 ரூபாயிலிருந்து 8000 ரூபாயாக உயர்த்தப்பட்டுள்ளது.

புறநகர் மற்றும் கிராமப்புற லாக்கர் கட்டணங்கள் குறைந்தபட்சம் 1,500 ரூபாய் முதல் 9000 ரூபாயாக உயர்த்தப்பட்டுள்ளது.

அதுமட்டுமல்லாமல், லாக்கர் சேவைக்கு ஒரு முறை பதிவு கட்டணமாக 500 முதல் 1000 ரூபாய் வசூலிக்கப்படுகிறது.

எஸ்பிஐ வங்கி லாக்கர் சேவைக்கான லாக்கர் வாடகை கட்டணத்தைச் சரியான நேரத்தில் செலுத்தவில்லை என்றால் 40 சதவீதம் வரை அபராதம் செலுத்த வேண்டும்.

இந்த கட்டண உயர்வு மார்ச் 31-ம் தேதி முதல் அமலுக்கு வருகிறது.

ஆர்பிஐ விதிகளின் படி, வங்கி வாடிக்கையாளர்கள் தங்களது லாக்கர்களை வருடத்திற்கு ஒரு முறையாவது திறக்க வேண்டும். இல்லை என்றால் வாடிக்கையாளர்களுக்கு நோட்டிஸ் அனுப்பி லாக்கர் சாவிகளை சரண்டர் செய்ய கூற வேண்டும் என்பது குறிப்பிடத்தக்கது.

இந்தியாவின் இரண்டாம் மிகப் பெரிய கிரெடிட் கார்டு நிறுவனமான எஸ்பிஐ, பிப்ரவரி 2-ம் தேதி பங்குச்சந்தையில் தங்களது பங்குகளை வெளியிட உள்ளது.

எஸ்பிஐ கார்ட்ஸ் முதற்கட்டமாக 9000 கோடி மதிப்பிலான பங்குகளை ஐபிஓ மூலமாக விற்க உள்ளது. ஐபிஓ-ல் எஸ்பிஐ கார்ட்ஸ் பங்குகளை மார்ச் 2-ம் தேதி முதல் 5-ம் தேதி வரை வாங்கலாம்.

பங்குகள் விலை குறைந்தபட்சம் 750 ரூபாய் எனவும், அதிகபட்சம் 755 ரூபாய் எனவும் முடிவு செய்யப்பட்டுள்ளது. ஐபிஓ-ல் குறைந்தபட்சம் 19 பங்குகள் ஒரு லாட் என வாங்க முடியும்.

எஸ்பிஐ ஊழியர்களுக்கு 75 ரூபாய் சலுகை அளிக்கப்படும்.

எஸ்பிஐ கார்ட்ஸ் நிறுவனத்தில் எஸ்பிஐ வங்கிக்கு 76 சதவீத பங்குகளும், கார்லைல் குழுமத்திடம் மீதப் பங்குகளும் உள்ளன.

சென்ற நிதியாண்டுடன் ஒப்பிடும் போது நடப்பு நிதியாண்டின் செப்டம்பர் மாதம் வரையில் எஸ்பிஐ கார்ட்ஸ் நிறுவனத்தின் வருவாய் வளர்ச்சி 36 சதவீதமாக உள்ளது. அதே காலகட்டத்தில் லாபம் 78 சதவீதம் அதிகரித்து 1,034.58 கோடி ரூபாயாக உள்ளது.

சம்பாதிக்கும் பணத்தில் சிறிய தொகையைச் சேமிக்க வேண்டும் என்பவர்களுக்கு நிதி மேலாண்மை நிபுணர்கள் கூறும் முக்கிய விதி 50/ 20/ 30.

இந்த விதிகளின் படி, உங்கள் வருமானத்தில் 50 சதவீதத்தை உணவு, உடை போன்ற தேவைகளுக்காகச் செலவு செய்ய வேண்டும்.

வருமானத்தில் 30 சதவீதத்தை தங்கள் விருப்பமான விஷயங்களுக்குச் செலவு செய்யலாம்.

மூன்றாவது தான் சேமிப்புக்கான விதி. இந்த சேமிப்பு விதியின் படி 20 சதவீத வருமானத்தைச் சேமிக்க வேண்டும்.

இப்படி சிக்கனமாக பட்ஜெட் போட்டுச் சேமித்தால், எதிர்கால செலவுகளின் போது கடன் வாங்குவதை தவிர்த்து வாழலாம்.