Connect with us

பர்சனல் பைனான்ஸ்

தனியார் ஊழியர்களுக்கும் தொழில் செய்பவர்களுக்கும் மாதம் ரூ.5000 பென்ஷன்.. அடல் பென்ஷன் யோஜனா திட்டம் பற்றித் தெரியுமா?

Published

on

தனியார் ஊழியர்களும், சொந்தமாகத் தொழில் செய்பவர்களும், கூலி வேலை செய்பவர்களும் 60 வயதுக்கு பிறகு மாதம் 5 ஆயிரம் ரூபாய் பென்ஷன் பெறலாம். இதற்காக மத்திய அரசு அடல் பென்ஷன் யோஜனா என்ற திட்டத்தை வழங்கி வருகிறது.

அடல் பென்ஷன் யோஜனா திட்டம் கீழ் 18 முதல் 40 வயது உள்ளவர்கள் கணக்கு தொடங்கலாம். குறைந்தது மாதம் 42 ரூபாய் முதல் முதலீடு செய்யத் தொடங்கினால் போதும். 60 வயதுக்குப் பிறகு மாதம் 1000 ரூபாய் முதல் 5000 ரூபாய் வரை பென்ஷன் கிடைக்கும்.

அடல் பென்ஷன் திட்டத்தில் முதலீடு செய்ய விரும்புபவர்கள் தெரிந்துகொள்ள வேண்டியவை:

தகுதி:

18 முதல் 40 வயது வரை உள்ளவர்கள் யார் வேண்டும் என்றாலும் அடல் பென்ஷன் திட்டத்தில் முதலீடு செய்ய தொடங்கலாம். கணக்கு தொடங்கும் போது வயது அதிகமாக இருந்தால் முதலீடு தொகை அதிகரிக்கும். அதற்கான அட்டவணையைக் கடைசியாகப் பார்க்கலாம். அடல் பென்ஷன் கணக்கைத் தொடங்க வங்கி அல்லது தபால் அலுவலகத்தில் சேமிப்பு கணக்கு இருக்க வேண்டும்.

பென்ஷன் தொகை:

அடல் பென்ஷன் திட்டத்தின் கீழ் 5 அடுக்குகளில் ரூ.1000, ரூ.2000, ரூ.3000, ரூ.4000 மற்றும் ரூ.5000 என பென்ஷன் பெறலாம். பென்ஷன் தொகைக்கு ஏற்றவாறு முதலீடு செய்ய வேண்டிய தொகையும் மாறும்.

பங்களிப்பு:

பென்ஷன் தொகையை மாதம், காலாண்டு, அரையாண்டு மற்றும் ஆண்டு என்ற தவணைகளில் பெறலாம். முதலீடு தொகை மாதம் ரூ.42 முதல் ரூ.1,452-க்குள் இருக்கும். சேமிப்பு கணக்கிலிருந்து மாத தவணை பிடித்தம் செய்யப்படும். தவணை தொகையும் மாதம், காலாண்டு, அரையாண்டு மற்றும் ஆண்டு தவணைகளில் செலுத்தலாம்.

தவணை தாமதம்:

பென்ஷன் பங்களிப்பு தவணையைச் செலுத்தத் தாமதம் ஆனால் ஒவ்வொரு 100 ரூபாய்க்கு 1 ரூபாய் அபராதம் செலுத்த வேண்டும். தொடர்ந்து தவணை பங்களிப்பைச் செலுத்தத் தவறினால் கணக்கு மூடப்படவும் வாய்ப்புள்ளது.

நெகிழ்வு:

பென்ஷன் தொகையை முடியும் போது கூட்டியும், குறைத்தும் கொள்ளலாம். ஆனால் இதை ஆண்டுக்கு ஒரு முறை ஏப்ரல் மாத மட்டுமே செய்ய முடியும்.

பங்களிப்பு பட்டியல்:

வயது வரம்பு பங்களிக்கும்ஆண்டுகள் மாத பென்ஷன் ₹ 1,000 மாத பென்ஷன் ₹ 2,000 மாத பென்ஷன் ₹ 3,000 மாத பென்ஷன் ₹ 4,000 மாத பென்ஷன் ₹ 5,000
18 42 42 84 126 168 210
19 41 46 92 138 183 228
20 40 50 100 150 198 248
21 39 54 108 162 215 269
22 38 59 117 177 234 292
23 37 64 127 192 254 318
24 36 70 139 208 277 346
25 35 76 151 226 301 376
26 34 82 164 246 327 409
27 33 90 178 268 356 446
28 32 97 194 292 388 485
29 31 106 212 318 423 529
30 30 116 231 347 462 577
31 29 126 252 379 504 630
32 28 138 276 414 551 689
33 27 151 302 453 602 752
34 26 165 330 495 659 824
35 25 181 362 543 722 902
36 24 198 396 594 792 990
37 23 218 436 654 870 1,087
38 22 240 480 720 957 1,196
39 21 264 528 792 1,054 1,318
40 20 291 582 873 1,164 1,454
(Source: nsdl.co.in)
Advertisement
Click to comment

Leave a Reply

Your email address will not be published. Required fields are marked *

பர்சனல் பைனான்ஸ்

மகிழ்ச்சி.. இனி ஏடிஎம் மையங்களில் ‘கூகுள் பே, பேடிஎம்’ பயன்படுத்தியும் பணம் எடுக்கலாம்!

Published

on

நீண்ட காலமாகக் கூறப்பட்டு வந்த யுபிஐ செயலிகள் மூலம் ஏடிஎம் மையங்களில் பணம் எடுக்கலாம் என்ற சேவை அறிமுகம் செய்யப்பட்டுள்ளது. எனவே கூகுள் பே, பேடிஎம், பிம், அமேசான் பே, போன் பே செயலிகள் மூலமாகப் பணம் எடுக்க முடியும்.

யுபிஐ செயலிகள் மூலமாக ஏடிஎம் நிலையங்களில் பணம் எடுக்கும் முறையை, NCR கார்ப்ரேஷன் அறிமுகம் செய்துள்ளது. இதை “Interoperable Cardless Cash Withdrawal –ICCW”. என்று கூறுகின்றனர்.

யுபிஐ செயலிகள் மூலமாக ஏடிஎம் மையங்களில் பணம் எடுப்பது எப்படி?

1) யுபிஐ செயலிகள் மூலமாக ஏடிஎம் மையங்களில் பணம் எடுக்க கூகுள் பே, பேடிஎம், பிம், அமேசான் பே, போன் பே என ஏதேனும் ஒரு யுபிஐ செயலி உங்கள் மொபைல் போனில் இருக்க வேண்டும்.
2) அந்த செயலிகள் உங்கள் வங்கி கணக்குடன் இணைக்கப்பட்டு இருக்க வேண்டும்.
3) யுபிஐ செயலிகளில் உள்ள QR குறியீடு ஸ்கான் செய்யும் முறை மூலமாக, ஏடிஎம் இயந்திரங்களில் உள்ள QR குறியீட்டை ஸ்கான் செய்த பிறகு எவ்வளவு பனம் தேவை என்று உள்ளிட வேண்டும்.
4) பணத்தை உள்ளிட்ட பிறகு, 4 அல்லது 6 இலக்க யுபிஐ பின் எண்ணை உள்ளிட்டால், வங்கி கணக்கிலிருந்து பணம் பிடிக்கப்பட்டு, ஏடிஎம் மூலம் பணம் விநியோகிக்கப்படும்.

யுபிஐ செயலிகள் மூலமாக ஏடிஎம் மையங்களில் ஒரு நாளைக்கு அதிகபட்சமாக 5 ஆயிரம் ரூபாய் வரையில் மட்டுமே பணம் எடுக்க முடியும்.

Continue Reading

பர்சனல் பைனான்ஸ்

அதிர்ச்சி.. செல்வ மகள் திட்டம், பிபிஎப் உள்ளிட்ட சிறு சேமிப்பு திட்டங்களின் வட்டி விகிதம் அதிரடி குறைப்பு!

Published

on

சிறு சேமிப்புத் திட்டம், வட்டி விகிதம், உயர்வு, தபால் நிலைய சேமிப்புத் திட்டங்கள், அஞ்சலகச் சேமிப்புத் திட்டங்கள், Government, Hikes, Small Savings Schemes, Interest Rate, Third Quarter, small savings schemes in Tamil, Small savings rates hiked, new interest rates on post office schemes

செல்வ மகள் திட்டம், பிபிஎப் உள்ளிட்ட சிறு சேமிப்பு திட்டங்களின் வட்டி விகிதத்தை மத்திய அரசு அதிரடியாகக் குறைத்து அறிவித்துள்ளது சேமிப்பாளர்கள் இடையில் பெரும் அதிர்ச்சியை ஏற்படுத்தியுள்ளது.

அஞ்சல் அலுவலக சேமிப்பு கணக்கு

அஞ்சல் அலுவலக சேமிப்பு கணக்கில் இருப்பு வைத்திருந்த பணத்திற்கு மார்ச் 31-ம் தேதி வரை ஆண்டுக்கு 4 சதவீத வட்டி விகிதம் வழங்கப்பட்டது. ஆனால் ஏப்ரல் மாதம் முதல் அது 3.5 சதவீதமாகக் குறைக்கப்பட்டுள்ளது.

டைம் டெபாசிட் திட்டம்

ஒரு வருட டைம் டெபாசிட் திட்டத்தின் வட்டி விகிதம் 5.5 சதவீதத்திலிருந்த 0.10 சதவீதம் குறைத்து 4.4 சதவீதமாக அறிவிக்கப்பட்டுள்ளது. 2 வருட டைம் டெபாசி திட்டத்தின் வட்டி விதம் 5.5 சதவீதத்திலிருந்து 5 சதவீதமாகக் குறைக்கப்பட்டுள்ளது. 3 வருட டைம் டெபாசிட் திட்டம் மீதான வட்டி விகிதம் 5.5 சதவீதத்திலிருந்து 5.1 சதவீதமாகக் குறைக்கப்பட்டுள்ளது. 5 வருட டைம் டெபாடி திட்டம் மீதான வட்டி விகிதம் 6.7 சதவீதத்தில் இருந்து 5.8 சதவீதமாகக் குறைக்கப்பட்டுள்ளது.

5 வருட தொடர் வைப்பு நிதி திட்டம்

ரெக்கரிங் டெபாசிட் என அழைக்கப்படும் 5 வருடம் தொடர் வைப்பு நிதி திட்டத்தின் வட்டி விகிதம் 5.8 சதவீதத்திலிருந்து 5.3 சதவீதமாகக் குறைக்கப்பட்டுள்ளது.

மூத்த குடிமக்களுக்கனா சேமிப்பு திட்டம்

மூத்த குடிமக்களுக்கான சேமிப்பு திட்டத்தின் வட்டி விகிதம் 7. 4 சதவீதத்திலிருந்து 6.5 சதவீதமாகக் குறைக்கப்பட்டுள்ளது.

மாத வருமான கணக்கு

மாத வருமான கணக்கின் வட்டி விகிதம் 6.6 சதவீதத்திலிருந்து 5.7 சதவீதமாகக் குறைக்கப்பட்டுள்ளது.

தேசிய சேமிப்பு பத்திரம்

தேசிய சேமிப்பு பத்திரம் திட்டத்தின் வட்டி விகிதம் 6.8 சதவீதத்திலிருந்து 5.9 சதவீதமாகக் குறைக்கப்பட்டுள்ளது.

பிபிஎப்

பிபிஎப் என அழைக்கப்படும் பொது வருங்கால வைப்பு நிதி திட்டத்தின் வட்டி விகிதம் 7.1 சதவீதத்திலிருந்து 6.4 சதவீதமாகக் குறைக்கப்பட்டுள்ளது.

கிசான் விகாஸ் பத்ரா

கிசான் விகாஸ் பத்ரா திட்டத்தின் வட்டி விகிதம் 6.9 சதவீதத்திலிருந்து 6.2 சதவீதமாகக் குறைத்துள்ளனர். முதிர்வு காலமும் 124 மாதத்திலிருந்து 138 மாதங்களாக அதிகரிக்கப்பட்டுள்ளது.

செல்வ மகள் திட்டம்

சுகன்யா சம்ரிதி யோஜனா என அழைக்கப்படும் செல்வ மகள் திட்டத்தின் வட்டி விகிதம் 7.6 சதவீதத்திலிருந்து 6.9 சதவீதமாகக் குறைக்கப்பட்டுள்ளது.

வட்டி விகிதம் குறைப்பு விதிகள்

சிறு சேமிப்பு திட்டங்கள் மீதான வட்டி விகிதம் ஒவ்வொரு காலாண்டுக்கு ஒரு முறை மாற்றி அமைக்கப்படும். தற்போது அறிவிக்கப்பட்டுள்ள இந்த வட்டி விகிதம் 2021-2022 நிதி ஆண்டின் முதல் காலாண்டுக்கானது ஆகும். அதாவது ஏப்ரல் முதல் ஜூன் வரையில் மாறாது.

Continue Reading

பர்சனல் பைனான்ஸ்

செல்வ மகள் திட்டம் v/s பிபிஎப் | பெண் குழந்தைகளுக்கு ஏற்ற முதலீட்டு திட்டம் எது?

Published

on

இந்தியாவில் பெண் குழந்தைகளைப் பெற்ற பெற்றோர்களுக்குச் செலவு அதிகமாக இருக்கும் என்று கூறுவார்கள். இப்படி பெண் குழந்தைகளைப் பெற்ற பெற்றோர்கள் சரியான முதலீட்டு திட்டங்களில் பணத்தை முதலீடு செய்தால், அவர்களின் எதிர்காலம் பற்றிய கவலை இருக்காது. பெண் குழந்தைகளின் கல்வி, திருமணம் போன்றவற்றுக்கு ஏற்ற பல முதலீட்டு திட்டங்கள் பயன்பாட்டிலிருந்தாலும், மத்திய அரசின் சிறு சேமிப்பு திட்டம் கீழ் செயல்பட்டு வரும் சுகன்யா சம்ரிதி யோஜனா (செல்வ மகள் திட்டம்) மற்றும் பிபிஎப் என அழைக்கப்படும் பொது வருங்கால வைப்பு நிதி திட்டங்கள் பார்க்கப்படுகின்றன.
செல்வ மகள் திட்டம் மற்றும் பிபிஎப் முதலீட்டுத் திட்டங்களில் பெண் குழந்தைகளுக்கு ஏற்ற திட்டங்கள் எவை என்று இங்கு விளக்கமாகப் பார்க்கலாம்.

பிபிஎப் – பொது வருங்கால வைப்பு நிதி

சிறு சேமிப்பு திட்டங்களில் அதிக வட்டி விகித லாபம் அளிக்கும் திட்டங்களில் ஒன்று பிபிஎப். பிபிஎப் திட்டத்தில் முதலீடு செய்யும் தொகைக்கு வருமான வரி விலக்கும் அளிக்கப்படும்.
பிபிஎப் திட்டத்தில் ஆண்டுக்குக் குறைந்தது 500 ரூபாய் முதல் 1.5 லட்சம் ரூபாய் வரை என 25 வருடம் முதலீடு செய்யலாம். தேவைப்பட்டால் கூடுதலாக 5 வருடங்கள் என முதலீட்டை நீட்டிக்கலாம். ஆண்டுக்கு ஒரு முறை அல்லது 12 தவணையாகவும் முதலீடு செய்ய முடியும். ஒவ்வொரு காலாண்டுக்கு ஒரு முறை இந்த வட்டி விகிதம் மாற்றி அமைக்கப்படும். 2020-2021 நிதியாண்டின் ஜனவரி முதல் மார்ச் வரையிலான கடைசி காலாண்டில் பிபிஎப் திட்டத்தில் முதலீடு செய்தவர்களுக்கு 7.1 சதவீத லாபத்தை அளிக்கிறது.

செல்வ மகள் திட்டம் – சுகன்யா சம்ரிதி யோஜனா

செல்வ மகள் சேமிப்பு, செல்வ மகள் சேமிப்புத் திட்டம் ஒரு பார்வை, செல்வ மகள் சிறு சேமிப்புத் திட்டம், செல்வ மகள் சேமிப்புத் திட்டம், பெண் குழந்தைகளுக்கான சேமிப்புத் திட்டம், சுகன்யா சம்ரிதி யோஜனா, சுகன்யா சம்ரிதி யோஜனா திட்டம், சுகன்யா யோஜனா திட்டம், Sukanya Samriddhi Yojana in Tamil, sukanya samriddhi yojana scheme, sukanya samriddhi yojana 2018, sukanya samriddhi yojana details, sukanya samriddhi yojana interest rate, selvamagal scheme, selvamagal semippu thittam tamil, selvamagal semippu thittam details
2015-ம் ஆண்டு பெண் குழந்தைகளுக்கான சிறப்பு சேமிப்பு திட்டமாக அறிமுகம் செய்ததே சுகன்யா சம்ரிதி யோஜனா என அழைக்கப்படும் செல்வ மகள் திட்டம். இந்த திட்டத்தின் 10 வயதுக்குள் உள்ள பெண் குழந்தைகளுக்குச் சேமிப்பு திட்டத்தைத் தொடங்க முடியும். குழந்தையின் வயது 18 ஆன பிறகு அந்த பெண் குழந்தையே அந்த கணக்கை நிர்வகிக்கலாம். பெண் குழந்தையின் வயது 21 ஆகும் போது இந்த கணக்கு முதிர்வடையும். தற்போது இதில் முதலீடு செய்யும் போது 7.6 சதவீத லாபம் அளிக்கப்படுகிறது. கொரோனா பிரச்சனைகள் முடிந்தால் 8.4 சதவீதம் வரை வட்டி விகிதம் உயர வாய்ப்புகள் உண்டு. குறைந்தது ஆண்டுக்கு 250 ரூபாய் முதல்  1.50 லட்சம் ரூபாய் வரையில் முதலீடு செய்யலாம்.

பிபிஎப் – செல்வ மகள் திட்டம் இரண்டில் சிறந்தது எது?

வட்டி விகிதத்துடன் ஒப்பிட்டால் பிபிஎப்-ஐ விட செல்வ மகள் திட்டத்தில் வட்டி அதிகம். எனவே லாபம் அதிகமாகக் கிடைக்கும். பெண் குழந்தைகளுக்காக முதலீடு செய்யும் போது ஒரு திட்டம் என்று இல்லாமல் ஒன்றுக்கு மேற்பட்ட திட்டங்களில் முதலீடு செய்வதுதான் சிறந்தது என வல்லுநர்கள் கூறுகின்றார்கள். எனவே செல்வ மகள் மட்டுமல்லாமல் பிபிஎப் திட்டத்திலும் பணத்தைப் பிரித்து முதலீடு செய்யலாம். பிபிஎப்-ல் 15 வருடம் வரை முதலீடு செய்து முதிர்வையும் போது அதை எடுத்து பிற திட்டங்களில் முதலீடு செய்யலாம். பிபிஎப், செல்வ மகள் திட்டம் மட்டுமல்லாமல் நல்ல லாபம் அளிக்கும் கடன் திட்டங்கள், மியூச்சுசல் ஃபண்டு போன்றவற்றிலும் பிரித்து முதலீடு செய்யலாம்.
Continue Reading
தினபலன், நல்லநேரம், ராசிபலன், horoscpe, nalla nerm, today google time
தினபலன்8 mins ago

இன்றைய தினபலன் | நல்ல நேரம் (22/04/2021)

தமிழ் பஞ்சாங்கம், tamil panchangam, இன்றைய நல்ல நேரம், nalla neram today
தமிழ் பஞ்சாங்கம்2 hours ago

இன்றைய தமிழ் பஞ்சாங்கம் (22/04/2021)

கிரிக்கெட்5 hours ago

#CSKvsKKR | கொல்கத்தா நைட் ரைடர்ஸ் அணியைக் கட்டுப்படுத்தி ஹாட்ரிக் வெற்றியைப் பதிவு செய்த சிஎஸ்கே!

கிரிக்கெட்7 hours ago

45 ரன்களில் 5 விக்கெட்டுக்கள்: தீபக் சஹார் அபார பந்துவீச்சு!

கிரிக்கெட்7 hours ago

ஆரம்பம் முதலே அதிரடி: 220 ரன்கள் குவித்த சிஎஸ்கே அணி!

வேலைவாய்ப்பு8 hours ago

PG படித்தவர்களுக்கு மத்திய அரசு வேலைவாய்ப்பு!

கிரிக்கெட்9 hours ago

IPL 2021 – 4 போட்டிகளில் 3 டக்-அவுட்; இந்த பஞ்சாப் பேட்ஸ்மேனின் பரிதாப நிலையைப் பாருங்க!

இந்தியா9 hours ago

‘நமக்கே ஆக்ஸிஜன் இல்ல… இதுல இத்தனை மெட்ரிக் டன் ஏற்றுமதியா..?’- மோடியை சாடி கதறும் மு.க.ஸ்டாலின்

Uncategorized9 hours ago

இன்று ஒரே நாளில் 13,258 பேர்கள் பாதிப்பு: கோரத்தாண்டவமாடும் கொரோனா

இந்தியா10 hours ago

’என் கடைசி குட்மார்னிங் இதுதான்’: இறப்பதற்கு முன்பே ஃபேஸ்புக்கில் பதிவு செய்த பெண் டாக்டர்!

வேலைவாய்ப்பு1 year ago

தமிழ்நாடு ஊரக வளர்ச்சி மற்றும் ஊராட்சித் துறை வளர்ச்சித் துறையில் வேலை!

சினிமா2 years ago

பிக்பாஸ் வீட்டில் லைட் ஆஃப் செய்த பின்னர் இரவில் நடப்பது என்ன தெரியுமா? வெளியான ரகசியம்!

இந்தியா2 years ago

6 பேரால் இரண்டு நாள் வைத்து சீரழிக்கப்பட்ட சிறுமிக்கு மொட்டை அடித்த பஞ்சாயத்து!

தமிழ்நாடு2 years ago

தமிழகத்தின் 22 மாவட்டங்களில் மழைக்கு வாய்ப்பு: பள்ளி, கல்லூரிகளுக்கு விடுமுறை!

இந்தியா2 years ago

ரோஜாவை ஸ்பெஷலாக கவனித்த ஜெகன் மோகன் ரெட்டி: புதிய பதவியை ஏற்றுக்கொண்டார்!

சினிமா3 years ago

பேரனுக்காக ஆட்டோவில் பயணித்த ரஜினி!

வேலைவாய்ப்பு2 years ago

தமிழக அரசின் ஆரம்ப சுகாதார நிலையங்களில் வேலை!

சினிமா செய்திகள்3 years ago

விஜய் டிவி சீரியலில் நடிக்க ஆசையா? இதோ ஓர் அரிய வாய்ப்பு!

வேலைவாய்ப்பு2 years ago

தமிழக அரசின் சமூக நலத்துறை மற்றும் சத்துணவுத் திட்டத் துறையில் வேலை!

சினிமா3 years ago

நடிகை அமலா பால் முதல் முறையாகப் பிகினி உடையில் கவர்ச்சி போட்டோ!

வீடியோ3 months ago

ஈஸ்வரன் படத்தில் பலராலும் பாராட்டப்பட்ட ‘கொரோனா’ காட்சி – வீடியோ!

வீடியோ3 months ago

ஸ்டைலான சிம்புவின் ‘மாநாடு’ மோஷன் போஸ்டர்!

வீடியோ3 months ago

பூமி படத்தின் ‘தமிழன் என்று சொல்லடா’ பாடல் வீடியோ!

வீடியோ3 months ago

ஈஸ்வரன் படத்தின் ‘மாங்கல்யம்’ பாடல் வீடியோ!

Tughlaq Durbar Teaser Poster
வீடியோ3 months ago

விஜய் சேதுபதி – பார்த்திபன் நடிப்பில் ‘துக்ளக் தர்பார்’ டீசர்!

வீடியோ3 months ago

விக்ரமுக்கு இர்பான் பதான் வில்லை.. ‘கோப்ரா’ டீசர்!

வீடியோ3 months ago

2021-ல் மீரட்ட வரும் ‘கேஜிஎஃப் 2’ டீசர்!

வீடியோ4 months ago

சிலம்பரசனின் ‘ஈஸ்வரன்’ படத்தின் பாடல் ஆடியோ!

சினிமா செய்திகள்4 months ago

இன்று வெளியாக உள்ள ஈஸ்வரன் பட பாடல்களின் முன்னோட்டம்!

கேலரி4 months ago

சஞ்சிதா ஷெட்டி – லேட்டஸ்ட் புகைப்பட கேலரி!

Trending