Connect with us

வணிகம்

கடன் தவணை செலுத்த வழங்கப்பட்டுள்ள தடையை மீண்டும் நீட்டிக்கத் தேவையில்லை.. எஸ்பிஐ வங்கி தலைவர் ரஜினிஷ் குமார் அதிரடி!

Published

on

கொரோனா ஊரடகின் காரணமாக வழங்கப்பட்ட கடன் தவணை செலுத்துவதற்கான தடையை, மீண்டும் நீட்டிக்கத் தேவையில்லை என்று எஸ்பிஐ வங்கி தலைவர் ரஜினிஷ் குமார் தெரிவித்துள்ளார்.

மத்திய அரசு மார்ச் மாதம் 24-ம் தேதி முதல் கோரோனா தொற்று பரவுவதைக் குறைக்கும் நோக்கில் ஊரடங்கை அறிவித்து இருந்தது. தற்போது இந்த ஊரடங்கானது ஜூலை 31-ம் தேதியுடன் முடிவுக்கு வருகிறது.

ஊரடங்கால் மக்கள் பொருளாதாரத்தை இழக்க நேரிடும், கடன் வாங்கியுள்ளவர்களால் கடன் தவணையைச் செலுத்த முடியாமல் போகும் என்று நோக்கத்தில் , முதலாவதாக மார்ச் முதல் மே வரையிலும், பின்னர் ஜூன் முதல் ஆகஸ்ட் வரையிலும் என இரண்டு தவணையாகக் கடன் தவணையைச் செலுத்துவதற்கான விருப்ப தடையை பெறலாம் என ஆர்பிஐ அறிவித்தது.

அதன் பேரில், கடன் தவணையைச் செலுத்த முடியாதவர்கள், தாங்கள் கடன் பெற்றுள்ள வங்கி அல்லது நிறுவனங்களை அணுகி தவணையைச் செலுத்துவதற்கான தடையைப் பெறலாம் என்று அறிவித்து இருந்தது. இந்த தடையை, கடன் தவணையைச் செலுத்தக்கூடியவர்களும் பயன்படுத்தியுள்ளனர் என்று கூறப்படுகிறது.

இந்நிலையில், ஆர்பிஐ கடன் தவணையைத் திருப்பி செலுத்துவதற்கான தடையை மீண்டும் 3 மாதம் வரை நீட்டிக்கலாம் என்று விவாதித்து வருவதாகத் தகவல்கள் வெளியாகியுள்ளது. இது குறித்து எஸ்பிஐ வங்கி தலைவர் ரஜினிஷ் குமாரிடம் கேட்ட பொழுது, மக்களுக்குத் தேவையான அளவுக்குத் தவணை வசூலிப்பிற்கான தடை சலுகை வழங்கப்பட்டுவிட்டது. ஒருவேளை இது மீண்டும் நீட்டிக்கப்பட்டால் வங்கிகள் மட்டுமல்லாமல், சிறு வங்கி அல்லாத கடன் நிறுவனங்களும் பாதிக்கப்படும் என்று அவர் கூறியுள்ளார்.

கடன் தவணை தடை சலுகையை பெற்றால், கடன் நிலுவைத் தொகை மீதான வட்டி மேலும் அதிகரிக்கும் என்பது குறிப்பிடத்தக்கது.

வணிகம்

பொருளாதாரத்தை மீட்டெடுக்க மத்திய அரசு மீண்டும் ஒரு பேக்கேஜ் அறிவிக்க வாய்ப்பு!

Published

on

கொரோனாவால் இழந்த பொருளாதாரத்தை மீட்டெடுக்க மீண்டும் ஒரு பேக்கேஜை மத்திய அரசு அறிவிக்க வாய்ப்புள்ளதாகத் தகவல்கள் கூறுகின்றன.

ஏற்கனவே கொரோனாவால் பாதிக்கப்பட்ட இந்தியப் பொருளாதாரத்தை மீட்டெடுக்க, 20 லட்சம் கோடி ரூபாய் மதிப்பிலான திட்டங்களை நிதி அமைச்சர் நிர்மலா சீதாராமன் அறிவித்து இருந்தார்.

அதன் அடுத்த கட்டமாக மீண்டும் ஒரு பொருளாதார மீட்டெடுப்பு பேக்கேஜை அறிவிப்பதற்கான பணிகளில் நிதி அமைச்சகம் செயல்பட்டு வருவதாக, பெயர் குறிப்பிட விரும்பாத நிதி அமைச்சக அதிகாரி தெரிவித்துள்ளார்.

பல்வேறு மத்திய அமைச்சகங்களிடம் இருந்து, நிதி அமைச்சகத்துக்கு வந்த கோரிக்கையை ஏற்று நிதி அமைச்சகம் இந்த முடிவுக்கு வந்துள்ளதாகக் கூறப்படுகிறது.

Continue Reading

உலகம்

ஈரான் மீதான பொருளாதாரத் தடை முடிவுக்கு வந்தது.. பெட்ரோல் விலை குறையுமா?

Published

on

2007-ம் ஆண்டு ஈரான் மீது ஐக்கிய நாடுகள் சபை விதித்த பொருளாதாரத் தடை, 2020 செப்டம்பர் 18-ம் தேதியுடன் முடிவுக்கு வந்துள்ளது.

சர்வதேச பாதுகாப்பு நெறிமுறைகளுக்கு எதிராக அணு ஆயுதம் உற்பத்தி மற்றும் தீவிர வாதம்  ஊக்குவிப்பு போன்ற காரணங்களுக்காக ஈரான் மீது பொருளாதாரத் தடை விதிக்கப்பட்டது.

பின்னர் 2015-ம் ஆண்டு அமெரிக்கா, சீனா, ஜப்பான், ரஷ்யா உள்ளிட்ட நாடுகளுடன் அணு சக்தியை ஆக்கப்பூர்வமாக மட்டுமே பயன்படுத்துவோம் என்று உறுதியளித்து ஒப்பந்தங்களில் கையெழுத்தும் போட்டது.

எனவே ஐக்கிய நாடுகள் சபை, ஈரான் மீது விதித்திருந்த பொருளாதாரத் தடை 2020-ம் ஆண்டு செப்டம்பர் 18-ம் தேதியுடன் காலாவதியானது என்று தெரிவித்து இருந்தது. அதன் படி தற்போது ஈரான் மீதான பொருளாதாரத் தடை முழுமையாக முடிவுக்கு வந்துள்ளது என்று ஈரான் அரசு தெரிவித்துள்ளது.

இந்த ஒப்பந்தங்களிலிருந்து 2018-ம் ஆண்டு பின் வாங்கிய டிரம்ப் தலைமையிலான அமெரிக்க அரசு, ஈரான் மீதான பொருளாதாரத் தடையை நீட்டிக்க வேண்டும் என்று கோரிக்கை வைத்தது. மேலும் அமெரிக்காவுடன் வர்த்தகம் செய்து வரும் நாடுகளையும், ஈரான் உடன் தொடர்ந்து வர்த்தகத்தில் ஈடுபடக் கூடாது. வர்த்தகத்தைத் தொடர்ந்தால் சம்மந்தப்பட்ட நாடுகள் மீதும் பொருளாதாரத் தடை விதிக்கப்படும் என்று மிரட்டியது.

அதே நேரம் இந்திய உள்ளிட்ட சில நாடுகளுக்கு மட்டும் கச்சா எண்ணெய்க்காகச் சிறப்பு அனுமதிகள் வழங்கப்பட்டது. மேலும் கச்சா எண்ணெய்க்காக டாலர் பரிவர்த்தனை செய்யக்கூடாது என்ற நிபந்தனையும், தொடர்ந்து அவர்களுடன் செய்யும் வர்த்தகத்தைக் குறைத்துக்கொள்ள வேண்டும் என்று தெரிவித்தது. அதை இந்தியாவும் ஏற்றது.

ஈரான் மீது தொடர்ந்து பொருளாதாரத் தடையை நீட்டிக்க வேண்டும் என்ற அமெரிக்க அரசின் முயற்சிகளும் தோல்வி அடைந்துள்ளன. எனவே வரும் நாட்களில் பிற நாடுகள் ஈரான் உடன் வர்த்தகத்தைச் செய்யவும், ஏற்றுமதி மற்றும் இறக்குமதியில் ஈடுபடுவதிலும் எந்த சிக்கலும் இருக்காது என்று கூறப்படுகிறது.

ஈரான் இடமிருந்து அதிகளவில் கச்சா எண்ணெய் இறக்குமதி செய்யும் நாடுகளில் ஒன்று இந்தியா. பொருளாதாரத் தடை நீங்கியுள்ளதால் அங்கு இருந்து இறக்குமதி செய்யும் கச்சா எண்ணெய்யின் அளவு அதிகரிக்கும் என்றும் எதிர்பார்க்கப்படுகிறது. இதனால் விலை குறைப்பு ஏதும் பெரியளவில் இருக்காது என்றும் கூறப்படுகிறது.

ஆனால், ஈரான் மீது அமெரிக்கா விதித்துள்ள பொருளாதாரத் தடை தொடர்கிறது. நேற்றுக் மூட ஈரான் உடன் வர்த்தகம் செய்து வரும் 6 சீன நிறுவனங்களுக்கு அமெரிக்காவில் தடை விதிக்கப்பட்டுள்ளது.

Continue Reading

இந்தியா

2020-ல் பிரதமர் மோடியின் சொத்து மதிப்பு அதிகரிப்பு.. எப்படி?

Published

on

2020-ம் ஆண்டு பிரதமர் மோடியின் சொத்து மதிப்பு எவ்வளவு என்ற விவரங்களை, பிரதமர் அலுவலகம் வெளியிட்டுள்ளது.

2019-ம் ஆண்டுடன் ஒப்பிடும் போது பிரதமர் மோடியின் சொத்து மதிப்பு 36 லட்சம் ரூபாய் அதிகரித்துள்ளது. 2020 ஜூன் 30 நிலவரத்தின் படி பிரதமர் மோடியின் சொத்து மதிப்பு 2.85 கோடி ரூபாய். இதுவே சென்ற ஆண்டு 2.49 கோடி ரூபாய்.

பிரதமர் மோடி செய்துள்ள பாதுகாப்பான முதலீடுகளின் வழியாக 33 லட்சம் ரூபாயும், வங்கி டெபாசிட்கள் மூலமாக 3.3 லட்சம் ரூபாயும் லாபம் அடைந்துள்ளதாகவும், அதுவே அவரது சொத்து மதிப்பு உயர காரணம் என்றும் தெரிவிக்கப்பட்டுள்ளது.

பிரதமர் மோடியின் வங்கி கணக்கில் 31,450 ரூபாயும் வங்கி கணக்கில் 3,38,173 ரூபாயும், பிக்சட் டெபாச்ட் போன்றவற்றில் 1,60,28,939 ரூபாயும் வைத்துள்ளார். தேசிய சேமிப்பு பத்திரத்தில் 8,43,124 ரூபாயும், ஆயுள் காப்பீட்டில் 1,50,957 ரூபாயும், வரி சேமிப்பு பத்திரத்தில் 20 ஆயிரம் ரூபாயும் முதலீடு செய்துள்ளார். மொத்த அசையும் சொத்துக்களின் மதிப்பு மட்டும் 1.75 கோடி ரூபாய். அதே நேரம் வங்கிகளில் எந்த கடனும் இவரது பெயரில் இல்லை.

45 கிராம் மதிப்பில் தங்க மோதிரம் மற்றும் நகைகள் உள்ளன. அவற்றின் மதிப்பு 1.5 லட்சம் ரூபாய். காந்திநகரில் 3,531 சதீர அடியில் வீடு ஒன்று உள்ளது.

பிரதமர் மோடியின் சொத்து மதிப்பு அதிகரித்துள்ள நிலையில், உள்துறை அமைச்ச அமித் ஷாவின் சொத்து மதிப்பு 28.63 கோடி ரூபாயாகச் சரிந்துள்ளது. இதுவே 2019-ம் ஆண்டு 32.3 கோடி ரூபாயாக இருந்தது.

அமித் ஷாவுக்கு 13.56 கோடி ரூபாய் மதிப்பில் 10 அசையா சொத்துக்கள் உள்ளன. பிரதமர் அலுவலகம் வெளியிட்டுள்ள தகவலின் படி அமித் ஷாவின் கையில் 15,814 ரூபாயும், வங்கி கணக்கில் 1.04 கோடி ரூபாயும், இன்சூரன்ஸ் பென்ஷன் பாலிசிகளாக 113.4 லட்சம் ரூபாயும், 2.79 லட்சம் பிக்சட் டெபாசிட்டாகவும், 44.47 லட்சம் மதிப்பிலான தங்க நகை ஆபரணங்களுக்கும் உள்ளன.

அமித் ஷாவின் சொத்து மதிப்பு சரிவுக்கு, பங்குச்சந்தை சார்ந்த அவரது முதலீகளில் ஏற்பட்ட சரிவே என்று கூறப்படுகிறது.

Continue Reading




சினிமா செய்திகள்42 mins ago

சூரரைப்போற்று படம் அக்டோபர் 30 அமேசான் பிரைமில் வெளியாகுமா?

வேலை வாய்ப்பு2 hours ago

புவி விஞ்ஞானி தேர்வு மையத்தில் வேலைவாய்ப்பு!

வேலை வாய்ப்பு2 hours ago

பாரத் எலெக்ட்ரானிக்ஸ் லிமிடெட் நிறுவனத்தில் வேலைவாய்ப்பு!

வேலை வாய்ப்பு3 hours ago

கப்பல் தளத்தில் வேலைவாய்ப்பு!

உலகம்3 hours ago

அதிர்ச்சி.. காற்று மாசு காரணமாக இறந்த 1.16 லட்சம் குழந்தைகள்!

வேலை வாய்ப்பு3 hours ago

இந்திய உருக்கு ஆணையத்தில் வேலைவாய்ப்பு!

வேலை வாய்ப்பு4 hours ago

அண்ணா பல்கலைக்கழகத்தில் வேலைவாய்ப்பு!

வேலை வாய்ப்பு5 hours ago

எலக்ட்ரானிக்ஸ் கார்ப்பரேஷன் ஆஃப் இந்தியா லிமிட்டெட் வேலைவாய்ப்பு!

இந்தியா5 hours ago

பாஜக வெற்றி பெற்றால் பீகாரில் கொரோனா தடுப்பூசி இலவசம்.. தமிழகத்தின் நிலை என்ன?

வேலை வாய்ப்பு5 hours ago

வேளாண் பல்கலைக்கழகத்தில் வேலைவாய்ப்பு!

வேலை வாய்ப்பு12 months ago

தமிழ்நாடு ஊரக வளர்ச்சி மற்றும் ஊராட்சித் துறை வளர்ச்சித் துறையில் வேலை!

சினிமா1 year ago

பிக்பாஸ் வீட்டில் லைட் ஆஃப் செய்த பின்னர் இரவில் நடப்பது என்ன தெரியுமா? வெளியான ரகசியம்!

இந்தியா1 year ago

6 பேரால் இரண்டு நாள் வைத்து சீரழிக்கப்பட்ட சிறுமிக்கு மொட்டை அடித்த பஞ்சாயத்து!

தமிழ்நாடு1 year ago

தமிழகத்தின் 22 மாவட்டங்களில் மழைக்கு வாய்ப்பு: பள்ளி, கல்லூரிகளுக்கு விடுமுறை!

இந்தியா1 year ago

ரோஜாவை ஸ்பெஷலாக கவனித்த ஜெகன் மோகன் ரெட்டி: புதிய பதவியை ஏற்றுக்கொண்டார்!

சினிமா2 years ago

பேரனுக்காக ஆட்டோவில் பயணித்த ரஜினி!

வேலை வாய்ப்பு1 year ago

தமிழக அரசின் ஆரம்ப சுகாதார நிலையங்களில் வேலை!

சினிமா செய்திகள்2 years ago

விஜய் டிவி சீரியலில் நடிக்க ஆசையா? இதோ ஓர் அரிய வாய்ப்பு!

வேலை வாய்ப்பு1 year ago

தமிழக அரசின் சமூக நலத்துறை மற்றும் சத்துணவுத் திட்டத் துறையில் வேலை!

தமிழ்நாடு6 months ago

பெண்களுக்கு வட்டியில்லாக் கடன்.. தொடக்கி வைத்த அமைச்சர்!

கிரிக்கெட்1 month ago

பந்தை பறக்கவிட்ட தோனி.. கொண்டாட்டத்தில் ரசிகர்கள்!

சினிமா செய்திகள்2 months ago

தேர்வு எழுத சென்ற சாய் பல்லவி.. செல்பி எடுத்துக்கொண்ட மாணவர்கள்.. வைரல் வீடியோ!

வீடியோ செய்திகள்2 months ago

காதலை வித்தியாசமாகத் தெரிவிக்க தீ மூட்டிக்கொண்ட காதலன்! (வீடியோ உள்ளே)

வீடியோ3 months ago

சூர்யா ரசிகர்களுக்கு வழங்கிய பிறந்தநாள் ட்ரீட்!

வீடியோ செய்திகள்7 months ago

இந்தியாவில் கொரோனாவால் பாதிக்கப்பட்டோரின் எண்ணிக்கை 85 ஆக அதிகரிப்பு

வீடியோ செய்திகள்7 months ago

சாலையில் விழுந்த ஆக்ஸிஜன் சிலிண்டர் வெடித்ததில் இளைஞர் உயிரிழப்பு

வீடியோ செய்திகள்7 months ago

கொரோனா தொற்று ஏற்பட்டால் என்ன செய்ய வேண்டும்? – சிறப்பு தொகுப்பு

வீடியோ செய்திகள்7 months ago

கோடீஸ்வரனாக்கும் பிரம்ம முகூர்த்தம் – வெளிவராத ரகசியங்கள் சொல்லும் Shelvi

வீடியோ செய்திகள்7 months ago

லாரியும் ஜீப்பும் மோதி புதுமண தம்பதி உட்பட 11 பேர் உடல்நசுங்கி உயிரிழப்பு

வீடியோ செய்திகள்7 months ago

நானும் எதிர்பார்த்து காத்திருக்கிறேன் – ரஜினி

Trending

%d bloggers like this: