உலக கோடீஸ்வரர்கள் பட்டியலில் முகேஷ் அம்பானி, வாரன் பபெட்டை பின்னுக்குத்தள்ளி 8 வது இடத்திற்கு முன்னேறியுள்ளதாகத் தகவல்கள் கூறுகின்றன.

அண்மையில் வாரன் பபெட், பில்கேட்ஸ் மற்றும் அவரது மனைவிக்குச் சொந்தமான தன்னார்வ தொண்டு நிறுவனத்திற்கு 2.9 பில்லியன் டாலர் நிதி வழங்கினார். அதனால் அவரது செல்வ மதிப்பு 67.9 பில்லியன் டாலராக சரிந்தது.

மறுபக்கம் ரிலையன்ஸ் இண்டஸ்ட்ரீஸ் நிறுவனத்தின் தலைவரான முகேஷ் அம்பானியின் செல்வ மதிப்பு 68.3 பில்லியன் டாலராக உள்ளதாக ப்ளூம்பெர் கோடீஸ்வரர்கள் பட்டியலில் குறிப்பிடப்பட்டுள்ளது.

அதன் படி முகேஷ் அம்பானி உல்க கோடீஸ்வரர்கள் பட்டியலில் முதல் இடத்தை பிடித்துள்ளார்.

பேஸ்புக், இண்டெல், பிபி என பல்வேறு சர்வதேச நிறுவனங்களிடம் இருந்து ரிலையன்ஸ் இண்டஸ்ட்ரீஸ் முதலீடுகளைப் பெற்றதே, முகேஷ் அம்பானி வேகமாக உலக கோடீஸ்வரர்கள் பட்டியலில் முன்னேறுவதற்கான காரணமாக கூறப்படுகிறது.

சீன நிறுவனமான பைட் டான்ஸின் டிக்டாக், ஹேலோ செயலிகள் இந்தியாவில் பயன்படுத்தத் தடை செய்யப்பட்ட போதிலும், மும்பையில் 1,200 பேர் அமர்ந்து பணி செய்யக்கூடிய அலுவலகத்திற்கான ஒப்பந்தத்திற்கு அனுமதி அளித்துள்ளதாகத் தகவல்கள் கூறுகின்றன.

இந்தியாவில் 2018-ம் ஆண்டு டிக்டாக் செயலியை அறிமுகம் செய்த பைட் டான்ஸ் நிறுவனம் இதுவரை 2000 நபர்களை பணிக்கு அமர்த்தியுள்ளது. அதுமட்டுமல்லாமல் அடுத்த ஒரு ஆண்டில் டிக்டாக் செயலிக்காக மட்டும் கூடுதலாக 1,000 நபர்களை பணிக்கு எடுக்க உள்ளதாகவும் தெரிவித்துள்ளது.

பைட்டான்ஸ் நிறுவனத்துக்கு இந்தியாவில் விகோ விடியோ, ஹேலோ சமூக செயலி மற்றும் ரெஸ்ஸோ என்ற தெற்காசிய மியூசிக் ஸ்ட்ரீம் செயலியையும் அறிமுகம் செய்துள்ளது. அதுமட்டுமல்லாமல் தென் இந்தியாவில் ஹைதராபாத் மட்டுமல்லாமல் பெங்களூருவிலும் கிளை அலுவலகத்தைத் திறக்கும் திட்டத்தை மட்டும் தள்ளிவைத்துள்ளது.

சீன செயலிகளுக்கு இந்தியாவில் தடை உள்ள நிலையிலும், பைட் டான்ஸ் எப்படி தங்களது அலுவலகத்தை விரிவு படுத்துகிறது என்பது பலருக்கும் ஆச்சரியத்தை ஏற்ப்டுத்தியுள்ளது.

சர்வதேச ஐடி நிறுவனங்கள் உலகம் முழுவதும் ஊழியர்களை பணிநீக்கம் செய்வதில் முனைப்பாக உள்ளன.

கடந்த சில ஆண்டுகளாகவே ஐடி துறையில் ஏற்பட்டு வரும் ஆட்டோமேஷன் போன்ற காரணங்களால் ஆட்குறைப்பு, பணிநீக்கம் போன்றவை அதிகமாகி வந்தன. தற்போது கொரோனா தொற்று அதிகரித்து வரும் நிலையில் ஐடி நிறுவனங்களின் வியாபாரம் மிகப் பெரிய அளவில் சரிந்துள்ளது. புதிய ஆர்டர்கள் கிடைக்காமல், இருக்கும் ஊழியர்களுக்கு வேலை வழங்க முடியாமல் சம்பளத்தை மட்டும் அளிக்கும் நிலைக்கு ஐடி நிறுவனங்கள் தெரிவித்துள்ளன.

கொரொனா தொற்று ஆரம்பக்கட்டத்தில் ஊழியர்கள் பணிநீக்கம் இருக்காது என்று அறிவித்த ஐபிஎம் உள்ளிட்ட பல முக்கிய நிறுவனங்கள், தற்போது பணிநீக்கம் என்ற ஆயுதத்தைக் கையில் எடுத்துள்ளன.

ஐபிஎம்

ஐபிஎம் நிறுவனத்தில் உலகம் முழுவதும் 3,50,000 நபர்கள் பணிபுரிந்து வருகின்றனர். அதில் 2000 நபர்களைப் பணி நீக்கம் முடிவு செய்யப்பட்டுள்ளது. இந்தியாவில் சில நூறு ஊழியர்கள் இதனால் வேலையை இழப்பார்கள்.

காக்னிசண்ட்

தமிழர்கள் அதிகம் வேலை பார்க்கும் கானிசெண்ட் நிறுவனத்தில் அண்மையில் ஆயிரத்துக்கும் மேற்பட்டவர்கள் பணிநீக்கம் செய்யப்பட்டுள்ளனர். காக்னிசெண்ட் நிறுவனத்தின் 2,90,000 ஊழியர்களில் கிட்டத்தட்ட 2 லட்சம் நபர்கள் இந்தியர்கள் என்று கூறப்படுகிறது.

புதிய வாடிக்கையாளர்கள் கிடைக்காததாலும், ஏற்கனவே உள்ள வாடிக்கையாளர்களும் தங்களது பட்ஜெட்டை குறைத்துள்ளதாலும் ஐடி நிறுவனங்கள் ஊழியர்கள் பணிநீக்கம் செய்ய வேண்டிய கட்டாய நிலைக்குத் தள்ளப்பட்டுள்ளன. அதிலும் திறன் குறைந்த ஊழியர்களை மட்டுமே பணியிலிருந்து நீக்குவதாக ஐடி நிறுவனங்கள் கூறுகின்றன.

சர்வதேச ஐடி நிறுவனங்கள் ஊழியர்கள் பணிநீக்கத்தைக் கையில் எடுத்துள்ளன, ஆனால் இந்திய ஐடி நிறுவனங்களான இஃபோசிஸ், டிசிஎஸ், விப்ரோ, எச்சிஎல் நிறுவனங்கள் இதுவரை பணிநீக்கம் குறித்த அறிவிப்பை வெளியிடவில்லை. கொவிட்-19 காரணமாக பணிநீக்கம் இருக்காத என்று டிசிஎஸ் நிறுவனம் தங்களது 4வது காலாண்டு அறிக்கையின் போது தெரிவித்துள்ளது. ஆனால் திறன் அடிப்படையில் இருக்க வாய்ப்புள்ளது.

இன்போசிஸ் நிறுவனத்தில் மிகப் பெரிய அளவில் பணிநீக்கம் இந்த ஆண்டு இருக்காது. ஆனால் திறன் அடிப்படையில் பணிநீக்கம் தொடரும் என்று தலைமை செயல்பாட்டு அதிகாரியான பிரவின் ராவ் அன்மையில் தெரிவித்துள்ளதை ஐடி ஊழியர்கள் கவனிக்க வேண்டியது அவசியமான ஒன்றாக உள்ளது.