வணிகம்
கொரோனாவால் கவிழ்ந்த தமிழகத்துக்கு ஓர் நற்செய்தி!
இந்தியாவில், அண்மையில் ஏற்பட்ட பொருளாதார சரிவு சிறு மாநிலங்களில் குறைந்தளவில் தான் தாக்கத்தை ஏற்படுத்தியிருந்தன. பொருளாதார சரிவிலிருந்து பெரிய வளர்ந்த மாநிலங்கள் மீண்டு வருகின்றன. அதிலும் தமிழகம் முன்னணியில் உள்ளது.
தமிழகம், மகாராஷ்டிரா, உத்திர பிரதேசம், கர்நாடகா, குஜராத் மற்றும் மேற்கு வங்கம் உள்ளிட்ட 6 மாநிலங்கள் மட்டும் இந்தியாவின் 50 சதவீத பொருளாதார மீட்சியில் உள்ளதாகத் தரவுகள் கூறுகின்றன.
செப்டம்பர் மாதம் 69 சதவீத மக்கள் இயல்பு வாழ்க்கையிற்கு இந்த 6 மாநிலங்களிலிருந்து திரும்பியுள்ளனர் என்று கூகுள் தரவு கூறுகிறது. கொரோனா ஊரடங்கு மார்ச் மாதம் தொடங்கிய பிறகு இதுவே அதிகமாகும். பிற மாநிலங்களில் 78 சதவீத மக்கள் இயல்பு வாழ்க்கைக்குத் திரும்பியுள்ளனர்.
இந்த தரவுகளானது கொரோனா பாதிப்புகள், பணியிடத்தில் ஏற்பட்டுள்ள மாற்றங்கள், மின்சாரம் பயன்பாடு, வாகனப் பதிவுகள், ஜிஎஸ்டி வசூல் போன்றவற்றை வைத்து முடிவு செய்யப்பட்டுள்ளது.
டாப் 12 மாநிலங்கள் மட்டும் தலா 4 சதவீதம் என இந்தியாவின் ஜிடிபி வளர்ச்சிக்கு உதவியுள்ளன. சிறிய மாநிலங்களின் ஜிடிபி பங்களிப்பு 1 முதல் 2 சதவீதமாக உள்ளன.
இந்தியாவின் ஜிடிபியில் செப்டம்பர் மாதம் 8.6 சதவீத பங்களிப்பைத் தமிழகம் அளித்துள்ளது. தினம் 1.1 சதவீதம் வரை ஒட்டுமொத்த வளர்ச்சி விகிதம் உள்ளது. சென்ற வருடத்துடன் ஒப்பிடும் போது ஜிஎஸ்டி வசூல் 14.9 சதவீதம் அதிகரித்துள்ளது. மின்சார பயன்பாடு 2.3 சதவீதம் சரிந்துள்ளது. புதிய வாகனங்கள் பதிவு செய்வது 17.2 சதவீதம் அதிகரித்துள்ளது. ஜிஎஸ்டி வசூலில் ராஜ்ஸ்தான் முதலிடத்தைப் பிடித்துள்ளது.
| ஜிடிபியில் மாநிலங்களின் பங்களிப்பு (% share in India’s GDP) | தினசரி வைரஸ் வளர்ச்சி விகிதம் (CDGR) | இயக்கம் அதிகரிப்பு | ஜிஎஸ்டி வசூல் (Change, YoY) | மின்சார பயன்பாடு (Change, YoY) | புதிய வாகனங்கள் பதிவு (Change, YoY) |
|---|---|---|---|---|---|
| மகாராஷ்டிரா (14.1) | 1.9 | -1 | -0.2 | 1.4 | 2.5 |
| தமிழ்நாடு (8.6) | 1.1 | 2.3 | 14.9 | -2.3 | 17.2 |
| உத்தரபிரதேசம் (8.5) | 1.9 | -1.1 | 0 | 18.9 | -27.6 |
| கர்நாடகா (7.9) | 1.9 | -3 | -4.7 | -12.3 | -16.2 |
| குஜராத் (7.8) | 1.2 | -1.5 | 6.1 | 6 | -45 |
| மேற்கு வங்கம் (5.9) | 1.6 | 4 | 4.2 | 2.9 | 9.4 |
| ராஜஸ்தான் (4.9) | 1.7 | -3.7 | 17.5 | 3.3 | -18.4 |
| ஆந்திரா (4.6) | 1.6 | -2.1 | 7.9 | 0.8 | NA |
| தெலுங்கானா (4.4) | 1.4 | -1 | -2 | -2.7 | NA |
| மத்தியப் பிரதேசம் (4.2) | 2.4 | -3.8 | 4.3 | 23.2 | NA |
| கேரளா (4.1) | 3.2 | -3.5 | 11.4 | -4.2 | -9 |
| டெல்லி (4) | 1.6 | 1.4 | -7.1 | -2.6 | -27.9 |
| நடுத்தர அளவிலான பொருளாதாரங்கள் (3) | 2 | -5.2 | 12.6 | 4.8 | -17.8 |
| சிறிய அளவிலான பொருளாதாரங்கள் (1.6) | 2.6 | -9.7 | 12.5 | 5.2 | -6 |
| இந்தியா | 1.8 | -2.1 | 4.6 | 4.6 | -11 |
2007-ம் ஆண்டு ஈரான் மீது ஐக்கிய நாடுகள் சபை விதித்த பொருளாதாரத் தடை, 2020 செப்டம்பர் 18-ம் தேதியுடன் முடிவுக்கு வந்துள்ளது.
சர்வதேச பாதுகாப்பு நெறிமுறைகளுக்கு எதிராக அணு ஆயுதம் உற்பத்தி மற்றும் தீவிர வாதம் ஊக்குவிப்பு போன்ற காரணங்களுக்காக ஈரான் மீது பொருளாதாரத் தடை விதிக்கப்பட்டது.
பின்னர் 2015-ம் ஆண்டு அமெரிக்கா, சீனா, ஜப்பான், ரஷ்யா உள்ளிட்ட நாடுகளுடன் அணு சக்தியை ஆக்கப்பூர்வமாக மட்டுமே பயன்படுத்துவோம் என்று உறுதியளித்து ஒப்பந்தங்களில் கையெழுத்தும் போட்டது.
எனவே ஐக்கிய நாடுகள் சபை, ஈரான் மீது விதித்திருந்த பொருளாதாரத் தடை 2020-ம் ஆண்டு செப்டம்பர் 18-ம் தேதியுடன் காலாவதியானது என்று தெரிவித்து இருந்தது. அதன் படி தற்போது ஈரான் மீதான பொருளாதாரத் தடை முழுமையாக முடிவுக்கு வந்துள்ளது என்று ஈரான் அரசு தெரிவித்துள்ளது.
இந்த ஒப்பந்தங்களிலிருந்து 2018-ம் ஆண்டு பின் வாங்கிய டிரம்ப் தலைமையிலான அமெரிக்க அரசு, ஈரான் மீதான பொருளாதாரத் தடையை நீட்டிக்க வேண்டும் என்று கோரிக்கை வைத்தது. மேலும் அமெரிக்காவுடன் வர்த்தகம் செய்து வரும் நாடுகளையும், ஈரான் உடன் தொடர்ந்து வர்த்தகத்தில் ஈடுபடக் கூடாது. வர்த்தகத்தைத் தொடர்ந்தால் சம்மந்தப்பட்ட நாடுகள் மீதும் பொருளாதாரத் தடை விதிக்கப்படும் என்று மிரட்டியது.
அதே நேரம் இந்திய உள்ளிட்ட சில நாடுகளுக்கு மட்டும் கச்சா எண்ணெய்க்காகச் சிறப்பு அனுமதிகள் வழங்கப்பட்டது. மேலும் கச்சா எண்ணெய்க்காக டாலர் பரிவர்த்தனை செய்யக்கூடாது என்ற நிபந்தனையும், தொடர்ந்து அவர்களுடன் செய்யும் வர்த்தகத்தைக் குறைத்துக்கொள்ள வேண்டும் என்று தெரிவித்தது. அதை இந்தியாவும் ஏற்றது.
ஈரான் மீது தொடர்ந்து பொருளாதாரத் தடையை நீட்டிக்க வேண்டும் என்ற அமெரிக்க அரசின் முயற்சிகளும் தோல்வி அடைந்துள்ளன. எனவே வரும் நாட்களில் பிற நாடுகள் ஈரான் உடன் வர்த்தகத்தைச் செய்யவும், ஏற்றுமதி மற்றும் இறக்குமதியில் ஈடுபடுவதிலும் எந்த சிக்கலும் இருக்காது என்று கூறப்படுகிறது.
ஈரான் இடமிருந்து அதிகளவில் கச்சா எண்ணெய் இறக்குமதி செய்யும் நாடுகளில் ஒன்று இந்தியா. பொருளாதாரத் தடை நீங்கியுள்ளதால் அங்கு இருந்து இறக்குமதி செய்யும் கச்சா எண்ணெய்யின் அளவு அதிகரிக்கும் என்றும் எதிர்பார்க்கப்படுகிறது. இதனால் விலை குறைப்பு ஏதும் பெரியளவில் இருக்காது என்றும் கூறப்படுகிறது.
ஆனால், ஈரான் மீது அமெரிக்கா விதித்துள்ள பொருளாதாரத் தடை தொடர்கிறது. நேற்றுக் மூட ஈரான் உடன் வர்த்தகம் செய்து வரும் 6 சீன நிறுவனங்களுக்கு அமெரிக்காவில் தடை விதிக்கப்பட்டுள்ளது.
2020-ம் ஆண்டு பிரதமர் மோடியின் சொத்து மதிப்பு எவ்வளவு என்ற விவரங்களை, பிரதமர் அலுவலகம் வெளியிட்டுள்ளது.
2019-ம் ஆண்டுடன் ஒப்பிடும் போது பிரதமர் மோடியின் சொத்து மதிப்பு 36 லட்சம் ரூபாய் அதிகரித்துள்ளது. 2020 ஜூன் 30 நிலவரத்தின் படி பிரதமர் மோடியின் சொத்து மதிப்பு 2.85 கோடி ரூபாய். இதுவே சென்ற ஆண்டு 2.49 கோடி ரூபாய்.
பிரதமர் மோடி செய்துள்ள பாதுகாப்பான முதலீடுகளின் வழியாக 33 லட்சம் ரூபாயும், வங்கி டெபாசிட்கள் மூலமாக 3.3 லட்சம் ரூபாயும் லாபம் அடைந்துள்ளதாகவும், அதுவே அவரது சொத்து மதிப்பு உயர காரணம் என்றும் தெரிவிக்கப்பட்டுள்ளது.
பிரதமர் மோடியின் வங்கி கணக்கில் 31,450 ரூபாயும் வங்கி கணக்கில் 3,38,173 ரூபாயும், பிக்சட் டெபாச்ட் போன்றவற்றில் 1,60,28,939 ரூபாயும் வைத்துள்ளார். தேசிய சேமிப்பு பத்திரத்தில் 8,43,124 ரூபாயும், ஆயுள் காப்பீட்டில் 1,50,957 ரூபாயும், வரி சேமிப்பு பத்திரத்தில் 20 ஆயிரம் ரூபாயும் முதலீடு செய்துள்ளார். மொத்த அசையும் சொத்துக்களின் மதிப்பு மட்டும் 1.75 கோடி ரூபாய். அதே நேரம் வங்கிகளில் எந்த கடனும் இவரது பெயரில் இல்லை.
45 கிராம் மதிப்பில் தங்க மோதிரம் மற்றும் நகைகள் உள்ளன. அவற்றின் மதிப்பு 1.5 லட்சம் ரூபாய். காந்திநகரில் 3,531 சதீர அடியில் வீடு ஒன்று உள்ளது.
பிரதமர் மோடியின் சொத்து மதிப்பு அதிகரித்துள்ள நிலையில், உள்துறை அமைச்ச அமித் ஷாவின் சொத்து மதிப்பு 28.63 கோடி ரூபாயாகச் சரிந்துள்ளது. இதுவே 2019-ம் ஆண்டு 32.3 கோடி ரூபாயாக இருந்தது.
அமித் ஷாவுக்கு 13.56 கோடி ரூபாய் மதிப்பில் 10 அசையா சொத்துக்கள் உள்ளன. பிரதமர் அலுவலகம் வெளியிட்டுள்ள தகவலின் படி அமித் ஷாவின் கையில் 15,814 ரூபாயும், வங்கி கணக்கில் 1.04 கோடி ரூபாயும், இன்சூரன்ஸ் பென்ஷன் பாலிசிகளாக 113.4 லட்சம் ரூபாயும், 2.79 லட்சம் பிக்சட் டெபாசிட்டாகவும், 44.47 லட்சம் மதிப்பிலான தங்க நகை ஆபரணங்களுக்கும் உள்ளன.
அமித் ஷாவின் சொத்து மதிப்பு சரிவுக்கு, பங்குச்சந்தை சார்ந்த அவரது முதலீகளில் ஏற்பட்ட சரிவே என்று கூறப்படுகிறது.
இந்தியா
அதிகாரப்பூர்வமாக திரும்பவரும் பிளாஸ்டிக் (PVC) ஆதார் கார்டு.. சிறப்பம்சங்கள் என்னென்ன? கட்டணம் எவ்வளவு?
இந்திய தனிநபர் அடையாள ஆணையம் (UIDAI), புதிய அம்சங்களுடன் பிளாஸ்டிக் ஆதார் கார்டு வழங்கும் அறிவிப்பை வெளியிட்டுள்ளது.
முன்னாதாக தமிழகத்தில் உள்ள இ-சேவை மையங்களில் பேப்பர் ஆதார் கார்டுகளை, பிளாஸ்டிக் கார்டுகளில் அச்சிடப்பட்டு வழங்கி வந்தன. அதை பார்த்த சில தனியார் கணினி மையங்களும் பிளாஸ்டிக் ஆதார் கார்டுகளை அச்சிட்டு வழங்கி வந்தன. இதை பார்த்த இந்திய தனிநபர் அடையாள ஆணையம் இப்படி பிளாஸ்டிக் ஆதார் கார்டுகள் அச்சிடக் கூடாது. அவை செல்லாது என்று அறிவித்தது.
இந்நிலையில் ஏடிஎம் டெபிட் கார்டுகள் போன்று பிளாஸ்டிக் ஆதார் கார்டுகள் வழங்கபப்டும் என்று இந்திய தனிநபர் அடையாள ஆணையம் அறிவித்துள்ளது.
எனவே, அதிகாரப்பூர்வமாக திரும்பவரும் பிளாஸ்டிக் ஆதார் கார்டு சிறப்பம்சங்கள் என்னென்ன? கட்டணம் எவ்வளவு? என்று விளக்கமாக பார்க்கலாம்.
1) நல்ல தரத்துடன் அச்சிடப்ப்பட்டு, லேமினேஷன் செய்யப்பட்டு இருக்கும்.
2) முன்பு இருந்த பேப்பர் ஆதார் கார்டுடன் ஒப்பிடும் போது, பிளாஸ்டிக் ஆதார் கார்டுகள் கொண்டு செல்ல எளிமையானது.
3) புதிய பிளாஸ்டிக் ஆதார் கார்டில் ஹாலோகிராம், கில்லோசே பேட்டர்ன், கோஸ்ட் இமேஜ் மற்றும் மைக்ரோடெக்ஸ்ட் உள்ளிட்ட பாதுகாப்பு அம்சங்களும் உள்ளன.
4) பிலாஸ்டிக் ஆதார் கார்டுகள் எந்த தட்ப வெட்ப சூழலிலும் எதுவும் ஆகாது. தண்ணிர் பட்டாலும் ஒன்றும் ஆகாது.
5) QR குறியீடு ஸ்கான் செய்வதிலும் சிக்கல் இருக்காது.
6) கார்டு எப்போது வழங்கப்பட்டது, எப்போது அச்சிடப்பட்டது என்ற விவரங்கள் இதில் கூடுதலாக சேர்க்கப்பட்டுள்ளது.
7) ஆதார் லோகோ சற்று தப்பமாக வெளியில் வருவது போல இருக்கும்.
பிளாஸ்டிக் ஆதார் கார்டை ஆர்டர் செய்ய, இந்திய தனிநபர்கள் அடையாள ஆணயம் தளத்தில் (Order Aadhaar Card) புதிய தெரிவு ஒன்றும் வழங்கப்பட்டுள்ளது. கட்டணம் 50 ரூபாய் செலுத்த வேண்டும். அதில் ஜிஎஸ்டியும் அடங்கும். எப்போது கார்டு டெலிவரி ஆகும் என்ற ஸ்டேட்டஸ் சேவையும் வழங்கப்படும்.
பிளாஸ்டிக் கார்டு பெற விண்ணப்பித்தால், 5 நாட்களில் அஞ்சல் அலுவலகம் மூலம் டெலிவரி செய்யப்படும்.
#AadhaarInYourWallet
Loaded with the latest security features, your Aadhaar is now more durable, convenient to carry, instantly verifiable offline. To order your Aadhaar PVC online, click https://t.co/TVsl6Xh1cX pic.twitter.com/79gfxaUga7— Aadhaar (@UIDAI) October 12, 2020
உங்கள் ராசிக்கான இன்றைய பலன்கள் (22/10/2020)
இன்றைய தமிழ் பஞ்சாங்கம் (22/10/2020)
தாய்ப்பால், விலங்கின்பால் மற்றும் செயற்கைப் பால் மூன்றுக்கும் உள்ள வித்தியாசம் என்ன?
விவசாயக் கடன் தள்ளுபடி, வேலை இல்லா இளைஞர்களுக்கு ரூ.1500, பென்ஷன்.. தேர்தல் அறிக்கையை வெளியிட்ட காங்கிரஸ்!
தினமும் இதனை சாப்பிடுவதால் ஏற்படும் நன்மைகள்!
நவம்பர் 2 முதல் திறக்கப்படம் பள்ளிகள்.. எப்படி தெரியுமா?
ரிசர்வ் வங்கியில் வேலைவாய்ப்பு!
தேசிய அனல் மின் நிறுவனத்தில் வேலைவாய்ப்பு!
ஹோமியோபதி மத்திய கவுன்சில் வேலைவாய்ப்பு!
ஐபிஎல்-க்கு போட்டியாக தொடங்கப்பட்ட எல்எபிஎல்-ல் அணியை வாங்கிய சல்மான் கான்!
தமிழ்நாடு ஊரக வளர்ச்சி மற்றும் ஊராட்சித் துறை வளர்ச்சித் துறையில் வேலை!
பிக்பாஸ் வீட்டில் லைட் ஆஃப் செய்த பின்னர் இரவில் நடப்பது என்ன தெரியுமா? வெளியான ரகசியம்!
6 பேரால் இரண்டு நாள் வைத்து சீரழிக்கப்பட்ட சிறுமிக்கு மொட்டை அடித்த பஞ்சாயத்து!
தமிழகத்தின் 22 மாவட்டங்களில் மழைக்கு வாய்ப்பு: பள்ளி, கல்லூரிகளுக்கு விடுமுறை!
ரோஜாவை ஸ்பெஷலாக கவனித்த ஜெகன் மோகன் ரெட்டி: புதிய பதவியை ஏற்றுக்கொண்டார்!
பேரனுக்காக ஆட்டோவில் பயணித்த ரஜினி!
தமிழக அரசின் ஆரம்ப சுகாதார நிலையங்களில் வேலை!
தமிழக அரசின் சமூக நலத்துறை மற்றும் சத்துணவுத் திட்டத் துறையில் வேலை!
விஜய் டிவி சீரியலில் நடிக்க ஆசையா? இதோ ஓர் அரிய வாய்ப்பு!
பெண்களுக்கு வட்டியில்லாக் கடன்.. தொடக்கி வைத்த அமைச்சர்!
பந்தை பறக்கவிட்ட தோனி.. கொண்டாட்டத்தில் ரசிகர்கள்!
தேர்வு எழுத சென்ற சாய் பல்லவி.. செல்பி எடுத்துக்கொண்ட மாணவர்கள்.. வைரல் வீடியோ!
காதலை வித்தியாசமாகத் தெரிவிக்க தீ மூட்டிக்கொண்ட காதலன்! (வீடியோ உள்ளே)
சூர்யா ரசிகர்களுக்கு வழங்கிய பிறந்தநாள் ட்ரீட்!
இந்தியாவில் கொரோனாவால் பாதிக்கப்பட்டோரின் எண்ணிக்கை 85 ஆக அதிகரிப்பு
சாலையில் விழுந்த ஆக்ஸிஜன் சிலிண்டர் வெடித்ததில் இளைஞர் உயிரிழப்பு
கொரோனா தொற்று ஏற்பட்டால் என்ன செய்ய வேண்டும்? – சிறப்பு தொகுப்பு
கோடீஸ்வரனாக்கும் பிரம்ம முகூர்த்தம் – வெளிவராத ரகசியங்கள் சொல்லும் Shelvi
லாரியும் ஜீப்பும் மோதி புதுமண தம்பதி உட்பட 11 பேர் உடல்நசுங்கி உயிரிழப்பு
நானும் எதிர்பார்த்து காத்திருக்கிறேன் – ரஜினி
