வணிகம்

கொரொனா வைரஸ் எதிரொலி; அலுவலகங்களைத் தற்காலிகமாக மூடும் ஐடி நிறுவனங்கள்!

Published

1 year ago

31/01/2020

seithichurul

சீனாவில் கொரொனா வைரஸ் மிகத் தீவிரமாகப் பரவி வருவதால், தங்களது ஊழியர்களின் நலனைக் கருத்தில் கொண்டு கூகுள் நிறுவனம் சீனா, ஹாங் காங் மற்றும் தைவானில் உள்ள தங்களது அலுவலர்களைத் தற்காலிகமாக மூடியுள்ளது.

கூகுள் மட்டுமல்லாமல், சீனாவில் இயங்கி வரும் அமேசான், மைக்ரோசாஃப்ட் போன்ற நிறுவனங்களும் தங்களது ஊழியர்களின் பாதுகாப்புக்கான முடிவுகளை எடுத்துள்ளனர்.

ஃபேஸ்புக் உள்ளிட்ட பல்வேறு நிறுவனங்கள், தங்களது ஊழியர்களின் சீன பயணங்களை தவிர்க்குமாறு கூறியுள்ளன.

ஸ்டார்பக்ஸ், மெக்டொனால்ட்ஸ் உள்ளிட்ட நிறுவனங்களும் தங்களது சீன கிளைகளின் சேவைகளைத் தற்காலிகமாக நிறுத்தியுள்ளன.

ஐடி நிறுவன ஊழியர்கள் வீட்டிலிருந்து வேலை செய்யலாம் என்றாலும், பல்வேறு வணிக வலாகங்கள், உணவகங்கள் மூடியுள்ளதால் சீனாவுக்கு கொரொனா வைரஸ் மிகப் பெரிய பொருளாதார இழப்புகளையும் ஏற்படுத்தி வருகிறது.

சீனாவில் இதுவரை 9,720 நபர்களும், ஹாங் காங்கில் 15 நபர்களுக்கும், மெகோவில் 7 நபர்களும், தைவானில் 9 நபர்களுக்கும் கொரொனா வைரஸ் தாக்கியுள்ளது உறுதி செய்யப்பட்டுள்ளது.

கொரொனா வைரஸ் தாக்கியதில் இதுவரை 213 நபர்கள் இறந்துள்ளதாக அதிகாரப்பூர்வமாக அறிவிக்கப்பட்டுள்ளது. மேலும் கொரொனா வைரஸ் அறிகுறிகள் உள்ளதாக 15,238 நபர்கள் மருத்துவர்கள் கண்காணிப்பில் உள்ளனர்.

இந்தியாவில் சீனாவிலிருந்து பரவி வருவதாகக் கூறப்படும் கொரொனா வைரஸ், இந்தியாவில் கேரளாவில் ஒருவரைத் தாக்கியிருப்பது உறுதி செய்யப்பட்டுள்ளது.

சீனாவின் வூஹான் பல்கலைக்கழகத்தில் மருத்துவம் பயின்று வரும் மாணவர் ஒருவர் கேரளா திரும்பியுள்ளார்.

அந்த மாணவரின் உடலில் கொரொனா வைரஸ் தாக்கியிருப்பது உறுதி செய்யப்பட்டு ஆய்வு செய்து வருகின்றனர்.

தற்போது கிடைத்துள்ள தகவலின் படி, அந்த மாணவருக்கு கொரொனா வைரஸ் தாக்கப்பட்டு இருந்தாலும் உடல் நிலை சீராகவே உள்ளதாகவும் கூறப்படுகிறது.

இருப்பினும் அந்த மாணவரை மருத்துவமனையில் தொடர்ந்து மருத்துவர்கள் கண்காணித்து வருகின்றனர். இந்த தகவலை இந்தியச் சுகாதார அமைச்சகமும் உறுதி செய்துள்ளது.

Up Next

இந்தியாவில் ரயில் சேவை வழங்க போட்டி போடும் சர்வதேச தனியார் நிறுவனங்கள்!

Don't Miss

இன்று முதல் மும்பை மெக் டொனால்ட்ஸ் உணவகங்கள் 24 மணி நேரமும் இயங்கும்!

வணிகம்

தொடர்ந்து அதிகரிக்கும் தங்கம் விலை( 22/04/2021)!

Published

1 day ago

22/04/2021

seithichurul

இன்று காலை (22/04/2021) சென்னையில் ஆபரணத் தங்கம் விலை கிராமுக்கு 26 ரூபாய் அதிகரித்து 4,537 ரூபாய்க்கு விற்பனை செய்யப்படுகிறது. சவரனுக்கு 208 ரூபாய் அதிகரித்து 35,600 ரூபாயாக அதிகரித்துள்ளது.

சுத்த தங்கமான 24 காரட் தங்கம் விலை கிராமுக்கு 4896 ரூபாய் என விற்கப்பட்டு வருகிறது.

வெள்ளி விலை நேற்றைய விலையுடன் ஒப்பிடும் போது கிராமுக்கு ரூ.1.60 பைசா குறைந்தது, 75.70 ரூபாயாக உள்ளது. கிலோ வெள்ளி 75,700 ஆயிரம் ரூபாய்க்கு விற்பனை செய்யப்பட்டு வருகிறது.

தினசரி தங்கம் விலை நிலவரம்.

பர்சனல் பைனான்ஸ்

மகிழ்ச்சி.. இனி ஏடிஎம் மையங்களில் ‘கூகுள் பே, பேடிஎம்’ பயன்படுத்தியும் பணம் எடுக்கலாம்!

Published

3 days ago

20/04/2021

tamilarasu

நீண்ட காலமாகக் கூறப்பட்டு வந்த யுபிஐ செயலிகள் மூலம் ஏடிஎம் மையங்களில் பணம் எடுக்கலாம் என்ற சேவை அறிமுகம் செய்யப்பட்டுள்ளது. எனவே கூகுள் பே, பேடிஎம், பிம், அமேசான் பே, போன் பே செயலிகள் மூலமாகப் பணம் எடுக்க முடியும்.

யுபிஐ செயலிகள் மூலமாக ஏடிஎம் நிலையங்களில் பணம் எடுக்கும் முறையை, NCR கார்ப்ரேஷன் அறிமுகம் செய்துள்ளது. இதை “Interoperable Cardless Cash Withdrawal –ICCW”. என்று கூறுகின்றனர்.

யுபிஐ செயலிகள் மூலமாக ஏடிஎம் மையங்களில் பணம் எடுப்பது எப்படி?

1) யுபிஐ செயலிகள் மூலமாக ஏடிஎம் மையங்களில் பணம் எடுக்க கூகுள் பே, பேடிஎம், பிம், அமேசான் பே, போன் பே என ஏதேனும் ஒரு யுபிஐ செயலி உங்கள் மொபைல் போனில் இருக்க வேண்டும்.
2) அந்த செயலிகள் உங்கள் வங்கி கணக்குடன் இணைக்கப்பட்டு இருக்க வேண்டும்.
3) யுபிஐ செயலிகளில் உள்ள QR குறியீடு ஸ்கான் செய்யும் முறை மூலமாக, ஏடிஎம் இயந்திரங்களில் உள்ள QR குறியீட்டை ஸ்கான் செய்த பிறகு எவ்வளவு பனம் தேவை என்று உள்ளிட வேண்டும்.
4) பணத்தை உள்ளிட்ட பிறகு, 4 அல்லது 6 இலக்க யுபிஐ பின் எண்ணை உள்ளிட்டால், வங்கி கணக்கிலிருந்து பணம் பிடிக்கப்பட்டு, ஏடிஎம் மூலம் பணம் விநியோகிக்கப்படும்.

யுபிஐ செயலிகள் மூலமாக ஏடிஎம் மையங்களில் ஒரு நாளைக்கு அதிகபட்சமாக 5 ஆயிரம் ரூபாய் வரையில் மட்டுமே பணம் எடுக்க முடியும்.

வணிகம்

நகை வாங்க சரியான நேரம் (20/04/2021)!

Published

3 days ago

20/04/2021

seithichurul

இன்று காலை (20/04/2021) சென்னையில் ஆபரணத் தங்கம் விலை கிராமுக்கு 45 ரூபாய் குறைந்து 4,450 ரூபாய்க்கு விற்பனை செய்யப்படுகிறது. சவரனுக்கு 360 ரூபாய் அதிகரித்து 35,600 ரூபாயாக அதிகரித்துள்ளது.

சுத்த தங்கமான 24 காரட் தங்கம் விலை கிராமுக்கு 4809 ரூபாய் என விற்கப்பட்டு வருகிறது.

வெள்ளி விலை நேற்றைய விலையுடன் ஒப்பிடும் போது கிராமுக்கு ரூ.1.40 பைசா குறைந்தது, 73.60 ரூபாயாக உள்ளது. கிலோ வெள்ளி 73,600 ஆயிரம் ரூபாய்க்கு விற்பனை செய்யப்பட்டு வருகிறது.

தினசரி தங்கம் விலை நிலவரம்.